தட்பவெப்பம்

விடியலில் எழுந்ததும் உடலனைத்தும் நீரணைத்தபடி

ஏனென்றறியேன் அவ்வுடல்வழி நீரிலென் 

கனவனைத்தும் கரைந்தனவோ!! 

நினைவுகளனைத்தும் குளியலை நாட 

தொடரடுக்கு மனையிருந்த என் நிலை 

இவ்வாறெனில் ஓர் கூரைக்கீழிருக்கும் 

மனிதம் இங்கு கவலைக்கிடம் தான் 

யார் கண்டார் கடவுளர் அங்கு சீர்வளி 

அளித்தார்களோ என்னவோ!!  

எம்மிலில்லா முகமகிழ்வு அங்குள்ள 

சிறுக்குழவிக்குக்கூடவுண்டு! 

காற்று தன் காதலை தேடிச்சென்றதோ 

என்றெண்ணும் நிலையில் சாலையோர 

தருக்களனைத்தும் காவியுடைதரித்தபடி

நிலமனைத்தும் கூட நீரலை தேட விண்ணனைத்தும் 
கருக்கொண்டு விழிவழி எதிர்பார்க்கையைக் 

கூட்டுகின்றன!!  தற்காலிக மனிதர்கள் போல் 

நிலமணைக்க வந்தவைகள் எம் மனமதை மட்டுமே 

திருப்திப்படுத்தியதாய்! 

மனிதர்கள் எனக்கூற மனிதமிங்கு உள்ளதா 

என இயற்கை சிரிப்பது போல் சில 

விண்துளிகளை பன்னீர் கணக்காய்தூவியபடி 

கண் அழிகின்றதந்த கருநிறை விண்தாங்கிகள்! 

மீண்டும் என் வேகம் கூட வேண்டுமே என விம்மிய 
என் மின்விசிறியை விரைவாக்கியபடி வான் விட்டென் 
விழிதனைமண்னிறக்குகின்றேன் மகிழ்வாக 

வெயிலாடும் ஓர் கூரை கொண்ட 

குடில்களை நோக்கி!! 

#அழகியதொருவாழ்வு