விடையறியா வினாவலைகள்

என்னவோர் விந்தை இதுவும் யான் மனமதனுள் 

சிந்துமிவ் விழிநீரணைத்துமிந்த பாணன் சொல் 

மொழியெனவேவிளைவெழாது பாலைவனப்

புயலென கரைந்ததே போகிறதடி !! 

இன்னும் நாணெண்ணும் எண்ணமெதிலும் 

எங்குளேன் யான் என அறியா சிறுமைகொண்டு 

எண்ணமதைதொடர்கிறேன் - எங்குகொண்

டேற்றுமிந்த காரிருள் சாலைகள்!! 

வரைமுறைகளற்று சுழன்று திரிய இம்மனமுந்தான் 

கொண்ட வகையெதுவோ -சினமெனவும் பொருள்படாது 

வெறுப்பென படர்ந்தவாறு நீழுமிந்த 

வாழ்வெனுமோட்டம்!! 

எங்குமுள்ளோர் தமையுயர்த்தி தொடருமிந்த 

தாழ்வாட்டங்கள்- என்னாலோர் உள்ளோர் 

உயர்வடையின் தாழ்வேசிறத்தலென கூறினும் 

கூறுமிந்த மனப்பொம்மை!! 

நன்றுந்தீதும் நாமறியாதொன்றிலையென 

விளித்தால் தகும் - என்றுமிப் பொருளுரைத்தல் 

எம்மவர் மனமதன்விருப்பொன்றே என எண்ணுங்கால் 

பொருளுமுங்கு நிலையிலாததே!! 

பிறர்நலன்காணல் சிறப்பதெனில் தன்னலங்

கொண்டோர் ஏன் பிறரை தம்முள் காணா 

விழி கொண்டார் - இவ்விதமெனஎழுமெந்தன் 

விடையறியா வினாவலைகள்!! 

தொடர்நாடகந்தனில் யாமறியும் மாந்தர் 

போல் நீழுமிந்த நிஜ மாந்தர் தம் நடைவழக்கு - விழியழிந்த 

பிறத்தல் முதலாகநான்வர் துணைநாடல் வரையில் 

தொடருமிவ் விளவுகள்!! 

அடுத்தகண நாடகத்திற்காய் உருவழித்து 

வழிசெய்தவாறு என்னுளத்து எழுத்தணைத்து 

வெற்றிடம் நோக்கல் கொண்டேன் - போயறிய 

இங்காறுந் தொலைவுளதோ யாரறிவார்!! 

#அழகியதொருவாழ்வு