வாழ்வெனும் ஓட்டம்

 ஈன்றவள் வயிற்றின்றி வெளி வந்ததன்

விளைவோ வந்ததும் விம்மல்களோடு!

கண்விழித்தலும் உண்டி நிறைவும் 

தொடர்ந்தவாறே ஒடியதந்த மழலைக்காலம்!

பெற்றோர் வழி தொடுக்க 

விடியலோடாரம்பிக்குமந்த குருகுலக்காலம்! 

கற்றலது நிறைவுறும் வரையில் பொதியதுவும் 

சுமை கூடும்! இன்றளவும் பயின்றவைதான் பயனுறுகின்றதென்னவோநான்றியேன்!!

மாதா பிதா வழி தொடர்ந்து குரு வரையில் வணக்கத்திற்குமட்டுமன்று நம் வருங்கால 

வடிவிற்கும் வழி கோள்கின்றனர்சிசு வதனின் சிந்தையறியா சில வழியும் நீழும் ! 

காலமதும் நீண்டகல குருகுலம் விழியகலும் 

கூடச்சில நட்புகளும் அன்றுவரை 

துணையிருந்த சுற்றம் நிலையழியும்!  

கை முழுதும் வண்ணக்காகிதங்களாய் 

பணமீட்ட வழிகோல்வர் 

என்றேனும் நம்வழி மிளிருமென 

வண்ணக்காகிதங்கள் வழி கால் தொடரும்!! 

உலகறிய தருணமென தொழில் தேடலது 

தான் தொடங்க தொடக்கத்திற்காய்

தேயுமெம் பாதணியும் ஈற்றோர் கைமணியும்!

ஆக்கமும் ஊக்கம் கொண்டு வென்றதொழில் 

தான் தொடங்க சுற்றம் மீள் மலரும் 

தொழிலுள்ளோர் அனைவருமாய்!! 

தொழிலுக்காய் நீழுமெங்கள் 

வாழ்நாள் என எண்ணும் வண்ணம் கடிகாரமுட்களனைத்தும் 

பணியோடே கழியும்!! குடும்பம் 

முகஞ்சுழிக்கத் தொடருமிந்த 

பணியமர்வு!! காலை முதல் கனவு வரை அலுவலகச்சிதறல்களே!! 

வாழ்க்கைமுழுதும் என்ன தேடுகிறோம் 

என்றறியா ஓடல் தொடர்ந்த வண்ணம்!! 

பணத்தாள்கள் பலவிருந்தும் மனத்திலோர்இன்பமில்லா நிலை 

ஏனென்றறியேன் நான் மட்டுமல்ல 

இவ்வுலக மாந்தரில் பலர் இவ்வண்ணமே!!

ஈற்றில் என்செய்தோம் என 

எண்ணுகையில் பதிலிலா நிலையில் நாம்!! 

ஏன் இவ் ஓட்டம் நின்று நம் வாழ்வை வாழாது வேறுஎன்னதான் தேடுகிறோம்!! 

நிலையிலா இவ்வுலகில் அன்பைப்பகிர்ந்து சுற்றாருடன் மகிழ்ந்திருப்போம்! 

நேரம் எமக்காகமறு சுழற்சி செய்யாது!! 

எம்மில் பலர் மனதளவில் இன்னும் 

சிறுகிக்கொண்டே உளர் ! சேர்ந்திருந்து 

மகிழ்வாக நம்வாழ்வை சிறப்புற ஒவ்வோர் 

நொடியும் இரசித்து வாழ்வோம்!!