இடைவெளி

சிற்றிட விடியலில் செவ்வானமதை

சிருங்காரித்து  சேய் எனை 

மடியமர்த்தியென் தாய்ச்சொல் 

கதையனைத்தும் உள்ளெழுந்து 

உருக்கொணர கண் தானாய் 

உனைத்தேடும் காலமதும்தான்

 மறந்து!! 

நானறியேன் என்றென்  மனமதில் 

நீ பதிந்தாய் என!! என்றும் 

முகிலணைக்கும் உன் பாகம் 

தான் எனை பாதித்ததோ 

என்னவோ முகில்கள் மேல் என்றுமென்

பார்வையில் சிறிது சினமுண்டேதான்! 

விண்ணளக்கும் கோல்கள் பல 

வரினும் என் பார்வை வழி என்றும் 

நீ என்னருகிலேயே!!  தூரமதை 

மனந்தான்முடிவுறுத்துமென்றறிந்தேன்

எந்நாளன்று உனை என் அருகறிய!!