இடைவெளி

நின்றெனை கொன்றோழிக்கும் 
உன் ஈர்ஒளிப்பார்வையடி- நின்றழிக்கும் 
கதிரவனும் வெந்தணைந்து போகையிலே! 
பகலதுவும் கடந்துன்னை பார்த்திடவும் 
வேண்டுமென தினச்சுற்று தனை 
சற்றே விரைவாக்கிடவும்
வேண்டுமடி!!!                                                                                                                     

ஏனென்றறியா தனிமை கொண்டேன்
பாதிவானமதை சிவப்பணைத்தும் 
பார்வையதை நீயடையாமையினால்!                                                                       

மென்பஞ்சு வெளியதனில் நின் 
வதனமதையடைந்து என்னிரு
விழிகளதும் நிலையிழந்தலைவதேனோ!
மண்ணின்று பல வரினும் விண்ணகத்து
உன் ஒளியை வென்றார் என்றில்லை!!
விழியூடு மதியழிக்க நின் மதி கொண்ட
மதுதானென்ன!!!                                                                                                              

என்றெனில் உன்னொளி வந்தடைந்ததோ 
அன்றெனை தின்றுவென்றது என்னுளுருக்
கொண்ட மையலெனும் தீ!!                                                                                          

அழகியதொருவாழ்வினை அர்த்தமுள்ளதாக்க
தினமெங்கிலும் உனைத்தொடர்கிறேன்!!
கணமேனும் எனைக்கவனியாது கவலையதை
எனக்களித்தாய்!! உன் உள்ளோர்
மனதனடைந்த என்னால் உனதகமடைய
உய்தில்லையே!!