இடைவெளி

பாதி மதியது வானவெளியதில் மூடுபடுமுரு 
அறிந்தாயோ -நாளமெதினிலும் தாளமிட
வரும் பாகினுருதனை அடைந்தாயோ!
நீலத்திரையதில் காணுமனைவரின்
காதல் கிடைத்திட விளைந்தாயே!
பாலினுரு நீத்து பாகினுருவுற்று
பார்வை கவர்திட்ட பிறையாளே!!!                                                                                 

உண்டியது கிட்டிடினும் உளத்து பசியாறா-
ஆறுமது மின்னுஞ்சரச் சிதறலுள் வானரசு
மேற்கடைய வெண்முகிலாள் வருமிடத்தே!                                                              

இராக்கால சிந்தையதை உனைநினைத்து 
வியக்கின்றேன் இருளதுவுமுனையடைய
தவமேதும் செய்ததுண்டோ!! -இரவனைத்தும் 
அழகடைய சிரித்தமுகம்விழிக்களிப்பாய் 
சாரளவழிதனிலே என் காதலை 
எண்ணிக்கழிக்கின்றேன்!!                                                                                             

விழியிரண்டும் வெளியாக தேடல் 
தொடர்கையிலே கருங்குழலால் முகம்
மறைத்து காதல் கூட்டுகிறாய்!!                                                                                   

அனைவர் விழிகிறங்க மதியுடையாள் 
கருத்த வழி நெடுகி கவர்தலது 
எனை தொடர்வாள்!!சுழன்றவன் யான்
திரும்பையிலே தொடர்ந்தவளும்
உடனிருப்பாள் விழி வழியே சரம் தொடுத்து!!