இடைவெளி

நீ தொலைவுற்றிருத்தல் காரணமறிவேன்
காரிருளினுள் மையல் மறைத்து கனமேகமதில் 
விழிநீரிறக்கி தொலைநின்று எனை நோக்கி 
சிலையெனவே தினம் சுற்றுகிறாய்                                                                            


கருநிறத்துவெளிதனிலே மெருகுற்ற வெண் 
வதனமதை இன்றொருநாள் விழிக்களித்தாய் 
என்றாகிலும் சிலதருணம் முகிலணைத்து 
வெட்கித்தனை மறைத்தாய்                                                                                          

கருநிறத்து வானலைகளது மறைத்திடவே 
சினம் பெற்றேன் கடிந்து பின்னிரங்கி 
கனத்தவை பொழிதல் வேண்டி காத்திருப்புத்
தான்தொடர்ந்தேன் - என் ஒளி கொண்டு 
உனைக்காணா நாட்கள் பல!!                                                                                       

நீயறியா உன் நிழலில்
நான் அறிவேன் உனதழகை
சிறகிரண்டு படைத்திருந்தால்
தினமெதிலும் உனையறிவேன்
பகலவனின் ஒளிவழியே எனை
மறைத்துனை விழிக்கிறேன்!!                                                                                       

காணலதில் களவுறுத்து மாயமதும் 
காட்டிடுங்கண் தண்மையழித்து 
செம்மையுருவாள் வெண்மதியாள் - கருநிறத்து
 வெளிதனிலே செம்மைச்சிதறலுற்றுஎங்குமது 
பரவிடுதல் காண எண்ணிருப்போர் பலர்
பலர் எனும் பதமதில் யானொருவன்!!